МЭДЭЭЛЛИЙН ТЕХНОЛОГИЙН ПАСПОРТ ШАЛГАЛТ

   Зорилго: Мэдээллийн технологийн паспорт шалгалт бол бизнесийн салбарт ажиллагсдын эзэмшвэл зохих мэдээллийн технологийн хамгийн ерөнхий мэдлэгийг шалгах, мэдээллийн технологийн анхан шатны мэдлэгтэй хүний нөөцийг хөгжүүлэх улмаар мэдээллийн технологийг хэрэглэх бүх нийтийн чадавхийг сайжруулах, ажлын бүтээмжийг дээшлүүлэх зорилготой.

    Шалгалтыг хэн өгч болох вэ?: Мэдээллийн технологийн паспорт шалгалтанд бүхий л бизнесийн салбарын ажилтан, ажиллагсадын нийтээр мэдвэл зохих мэдээллийн технологийн үндсэн ойлголттой хүн, мэдээллийн технологитой холбоотой ажил, үүрэг гүйцэтгэдэг эсвэл албан үүргээ гүйцэтгэхэд мэдээллийн технологийг хэрэглэдэг хүмүүс оролцоно.

Шалгуулагч нь дараах үйл ажиллагаануудыг гүйцэтгэх чадвар, мэдлэгтэй байна. Үүнд:
· Мэдээллийн систем болон төхөөрөмжүүдийн хэрэглээг ойлгодог, тэдгээрийг ашигладаг
· Эрхэлж буй ажил үүрэгтээ тухайн асуудлыг тодорхойлж, шийдвэрлэж чаддаг байх
· Мэдээллийн аюулгүй байдлыг ханган ажиллаж чаддаг

    Шалгуулагч нь дараах технологийн мэдлэгийг эзэмшсэн байна. Үүнд:
· Компьютерийн систем болон сүлжээний төхөөрөмжүүдийн офисийн хэрэглээний тухай мэдлэг
· Логик сэтгэлгээ болон асуудлыг шийдвэрлэх, дүн шинжилгээ хийх чадвар, арга барил
· Мэдээллийн аюулгүй байдлын талаар мэдлэг
· Мэдээллийн системийн ажиллагаа, хөгжүүлэлтийн талаар мэдлэг

    Шалгалтын асуултын хамрах хүрээ:
    Мэдээллийн технологийн стратеги, менежмент, технологийн салбаруудын хамгийн ерөнхий мэдлэгийг шалгасан асуултууд байна.
    Стратегийн салбарт шалгуулагчийн ерөнхий боловсролын сургуулийн мэдээллийн технологийн хичээлийн агуулгад ордог мэдээллийн технологийн суурь ойлголтууд, офисын хэрэгслүүдийн ашиглалт, асуудал шийдвэрлэх чадвар, мэдлэгийг шалгана.
    Менежментийн салбарт систем хөгжүүлэх болон төслийн менежменттэй холбоотой ерөнхий ойлголтуудын талаарх мэдлэгийг шалгана.
    Технологийн салбар нь мэдээллийн технологийн үндсэн нэр томъёонууд болон логик сэтгэлгээг шалгана.

Шалгалтын хугацаа, сургалт:
· Сургалтын бүртгэл: 2010 оны 09/03-09/10
· Сургалт: 2010 оны 09/13-10/01
· Шалгалтын бүртгэл: 2010 оны 09/08-10/15
· Шалгалт: 2010 оны 10-р сарын 31

    Шалгалтыг нэвтрүүлснээр гарах ач холбогдол:
· Манай улсын бүхий л бизнесийн салбарын ажилтан, ажиллагсадын нийтээр мэдвэл зохих мэдээллийн технологийн үндсэн мэдлэгийг үнэлэх, компьютерийн хэрэглээний төвшинг тодорхойлох боломж бүрдэнэ.
· Эдийн засгийн ямар ч салбарын хүний нөөцийн мэдээллийн систем болон төхөөрөмжүүдийн хэрэглээний чадварыг тогтоох боломжтой болно.
· Ажил олгогчид ажилтнуудын мэдээллийн технологийн мэдлэгийг тусгайлан шалгах шаардлагагүй, энэ шалгалтын үнэлгээгээр дүгнэх боломжтой болно.
· Бүх нийтийн мэдээллийн технологийн мэдлэг, хэрэглээний ур чадвар сайжруулах
· Мэдээллийн технологийн 1-р төвшний ур чадварын паспорт нь салбар хамааралгүйгээр ажилтнуудын чадвар, чадавхийг бүрэн илтгэж чадна.

Дэлгэрэнгүй

МЭДЭЭЛЛИЙН ТЕХНОЛОГИЙН ИНЖЕНЕРЙИН ШАЛГАЛТЫН ТАНИЛЦУУЛГА

    Зорилго: МТ-ийн мэргэжилтнүүдийн ур чадварын төвшинг тодорхойлж, сертификатжуулан олон улсын стандартыг хангасан боловсон хүчин ажиллуулах, тэдний хөдөлмөрийн бүтээмжийг нэмэгдүүлэх, мэргэжилтнүүдийн ур чадварыг дэлхийн хөгжилтэй зэрэгцэн дээшлүүлэн олон төвшинд хүргэх, улмаар экспортод чиглэсэн бүтээгдэхүүн үйлдвэрлэлийг дэмжих, монгол улсын өрсөлдөх чадварыг дээшлүүлэх, мэдлэгт суурилсан эдийн засгийг хөгжүүлэх боловсон хүчинг бэлдэх.

    Хэрэгжүүлэгч: Засгийн газрын тохируулагч агентлаг болох Мэдээлэл, шуудан, харилцаа, холбоо технологийн газар (МШХХТГ), Мэдээллийн технологийн үндэсний парк (МТҮП), ITPEC хамтран өөрийн оронд 2005 оноос Азийн орнуудын мэдээллийн технологийн инженерийн жинхэнэ шалгалтыг явуулах эрхтэй болж мэдээллийн технологийн мэргэжилтнүүдийн ур чадварын стандарт болон ур чадварыг үнэлэх олон улсын шалгалтын системийг явуулж байна.

    Харилцан ур чадвараа хүлээн зөвшөөрсөн улсууд: Мэдээллийн технологийн инженерийн шалгалт (МТИШ) нь Япон улсын МТ-ийн шалгалтын систем дээр суурилдаг ба Азийн 12 оронд тус бүс нутагт нэгдсэн стандарттай болгох зорилготойгоор анх хэрэгжүүлж эхэлсэн. Эдгээр орнуудад Япон, Энэтхэг, Сингапур, БНСУ, Хятад, Монгол, Филиппин, Малайз, Вьетнам, Мьянмар, Тайван, Тайланд улсууд ордог ба 2005 оны 11-р сард МТ-ийн инженерийн ур чадварын стандартууд болон МТИШ-ыг нэвтрүүлэхэд хамтран ажиллах зорилгоор Азийн орнуудын мэдээллийн технологийн мэргэжилтний шалгалтын зөвлөл (ITPEC)-ийг байгуулсан. Шалгалтад амжилттай шалгуулсан албан хаагч, инженерийн ур чадвар ITPEC-н бүх гишүүн орнуудад нэгэн адил хүлээн зөвшөөрөгддөг.

    Шалгалтын асуулт, ангилал, хэлбэр: Тест хэлбэрээр шалгалтыг авах бөгөөд өглөө ба үдээс хойш 2 хэсэгт хуваагдана. Өглөөний тест нь үндсэн мэдлэг, үдээс хойших нь тест мэдлэгээ практикт хэрэглэх ур чадварыг шалгана.

    ITPEC-н бүх гишүүн орнуудад шалгалтыг нэг өдөр ижил боловсруулсан материалаар авч хөндлөнгийн өндөр нууцлалтай дүгнэж чаддаг.

Шалгалтын хугацаа, сургалт:
· Сургалтын бүртгэл: 2010 оны 09/03-10/01
· Сургалт: 2010 оны 10/04-10/22
· Шалгалтын бүртгэл: 2010 оны 09/08-10/15
· Шалгалт: 2010 оны 10-р сарын 31

Шалгалтын ач холбогдол, давуу тал:
    Мэргэжилтнүүдийн хувьд:
Мэргэжлийн мэдлэг ур чадвараа хөгжүүлэх
Мэдлэг оюунаа олон улсын жишгээр үнэлүүлж ажилд орох
Гадаад аутсорсингоор захиалгат ажил гүйцэтгэх
Олон улсад мэргэжлээрээ ажиллах
Олон улсад хүлээн зөвшөөрөгдсөн ур чадвар, оюуны баталгаатай болох.
Мэдээллийн технологийн ур чадвараараа олон улсад өрсөлдөх боломжтой болох.
Монгол хүний үнэ цэнэ үнэлэмжийг олон улсад дээшлүүлэх.

    Компани, байгууллагуудын хувьд
Ажилтнуудынхаа мэдлэг, ур чадварыг олон улсын төвшинд хүргэх
Ажилтнуудын хөдөлмөрийн бүтээмжийг нэмэгдүүлэх
Гадаад аутсорсингоор захиалгат ажил гүйцэтгэх
Бизнесийн үйл ажиллагаагаа тэлэх боломжийг бий болгох.
Мэдлэгт суурилсан эдийн засгийн байгуулахад бодитой хувь нэмрээ оруулах
Монгол компаниудын үнэ цэнэ, үнэлэмжийг олон улсад дээшлүүлэх.

Дэлгэрэнгүй

Амжилтаа ахиулах 18 мөрдлөг

 Гялалзсан өндөр амжилтыг бүтээхэд тань туслах болно. Та гэртээ болон албан тасалгаандаа байрлуулан харж, мөрдөж байгаарай.  Шууд хадгалахаар зураг хэлбэрээр тавилаа.


Мэдээллийг:  http://yfwp.mn  сайтаас...

Дэлгэрэнгүй

Мэдээллийн технологийн инженерийн шалгалтын тухай

     
    Мэдээллийн технологи (МТ)-ийг ажил албандаа ашигладаг албан хаагч, МТ-ийн мэргэжилтнүүдийн ур чадварыг 2 төрлөөр баталгаажуулдаг. Нэгт, нийлүүлэгчийн талаас тухайн компанийн бүтээгдэхүүнийг ашиглах чадварыг шалгадаг MICROSOFT CERTIFICATION, ORACLE CERTIFICATION зэрэг сертификаттай шалгалтууд орно. Хоёрт, суурь мэдээллийн технологийн мэдлэг, ур чадварыг үнэлэх Мэдээллийн технологийн инженерийн шалгалт орно.
    Мэдээллийн технологийн инженерийн шалгалт (МТИШ) нь Япон улсын МТ-ийн шалгалтын систем дээр суурилдаг ба Азийн 12 оронд тус бүс нутагт нэгдсэн стандарттай болгох зорилготойгоор анх хэрэгжүүлж эхэлсэн. Эдгээр орнуудад Япон, Энэтхэг, Сингапур, БНСУ, Хятад, Монгол, Филиппин, Малайз, Вьетнам, Мьянмар, Тайван, Тайланд улсууд ордог ба 2005 оны 11-р сард МТ-ийн инженерийн ур чадварын стандартууд болон МТИШ-ыг нэвтрүүлэхэд хамтран ажиллах зорилгоор Азийн орнуудын мэдээллийн технологийн мэргэжилтний шалгалтын зөвлөл (ITPEC)-ийг байгуулсан.

    Манай улсад МТ-ийг ашигладаг албан хаагч болон МТ-ийн мэргэжилтнүүдийн ур чадварын төвшинг олон улсад өрсөлдөх хэмжээнд хүргэх, олон улсын стандартыг хангасан боловсон хүчин ажиллуулах, тэдний хөдөлмөрийн бүтээмжийг нэмэгдүүлэх, мэргэжилтнүүдийн ур чадварыг дэлхийн хөгжилтэй зэрэгцэн дээшлүүлэн олон улсын төвшинд үнэлүүлэх, улмаар экспортод чиглэсэн бүтээгдэхүүн үйлдвэрлэлийг дэмжих зорилготойгоор Засгийн газрын тохируулагч агентлаг болох Мэдээлэл, шуудан, харилцаа, холбоо технологийн газар (МШХХТГ), Мэдээллийн технологийн үндэсний парк (МТҮП) нь Япон улсын Эдийн засаг, худалдаа, аж үйлдвэрлэлийн яам, түүний харьяа Мэдээллийн технологийг дэмжих агентлагтай хамтран тус шалгалтыг ур чадварын стандартуудын хамт нэвтрүүлэн ажиллаж байна.

    ITPEC-н гишүүн орнууд нь мэдээллийн технологийн инженерийн нэгдсэн шалгалтыг жилд 2 удаа, нэг цаг хугацаанд, ижил асуулгатайгаар явуулж байхаар тогтсон бөгөөд шалгалтыг 2006 оноос зохион байгуулж эхэлсэн. Нэгдсэн шалгалтад амжилттай шалгуулсан инженерийн ур чадвар ITPEC-н бүх гишүүн орнуудад нэгэн адил хүлээн зөвшөөрөгддөг. Монгол улсад анхан шатны буюу ажил албандаа МТ-ийг хэрэглэдэг албан хаагч нарт зориулсан МТ-ийн паспорт шалгалт, МТ-ийн мэргэжилтнүүдэд зориулсан суурь төвшний МТ-ийн инженерийн суурь шалгалт, дунд төвшний Програм хангамжийн инженерийн шалгалтыг тус тус авч эхлээд байна.

    2010 оны намрын шалгалтууд буюу Мэдээллийн технологийн инженерийн суурь шалгалт, Мэдээллийн технологийн паспорт шалгалт 10-р сарын 31-ний өдөр авагдах тул та бүхэн өргөнөөр оролцож өөрсдийн мэдлэгээ үнэлүүлэн цаашид салбартаа амжилттай ажиллах боломжоо өргөжүүлэхийг хүсье.

Дэлгэрэнгүй